erromoko magoak

PERPAUS MOTAK (I eta II)


Perpaus bakunak

Perpaus bakunak aditz bakarra duten perpausak dira. Perpaus bakunak, hiztunaren jarreraren arabera, lau motatakoak izan daitezke: adierazpen-perpausak, galde-perpausak, aginet perpausak eta harridura-perpausak.


Adierazpen-perpausak

Adierazpen-perpausak gertakariei buruzko informazioa emateko erabiltzen dira. Izan ere, molde horretakoak dira sortzen ditugun esaldirik gehienak. Bi motatakoak izan daitezke:

- Baiezko perpausak (informazioa baieztatzeko erabiltzen dira)

- Ezezko perpausak (informazioa ezeztatzeko erabiltzen dira)


Galde-perpausak

Galde perpausak galderak egiteko erabiltzen ditugu. Galdera marka (?) dute amaieran- Haien erantzuna aditzaren aurre-aurrean kokatu ohi da. Hiru motatakoak izan daitezke:

- Zati-galderak 

Ezagutzen ez dugun informazioa galdetzaile baten bidez adierazten da: Nor da hori? Hori Eneko da.

- Aukera-galderak

Solaskideari aukera egiteko eskatzen zaioa: Nor da hori, Eneko ala Iñaki?

- Bai/ez erako galderak

Bai edo ez erantzuna duten galderak dira: Zurea da, ezta? Ikusi ahal duzu nire kuadernoa?